|
گه‌وره هونه‌رمه‌ندێكى كورد كۆچى دواييكرد
شام: گه‌وره هونه‌رمه‌ندى كوردى سوريا، عه‌بدولڕه‌حمان ئال ره‌شى له ته‌مه‌نى 83 ساڵييدا، له شام كۆچى دواييكرد.
ئه‌مڕۆ شه‌ممه 12ى نيسان – ئه‌پريلى 2014، له پايته‌ختى سوريا هه‌واڵى كۆچى دوايى ئال ره‌شى، له لايه‌ن نه‌خۆشخانه‌ى هشام سنان، راگه‌يه‌ندرا.
ئه‌و هونه‌رمه‌نده كورده، وه‌ك له سه‌رچاوه‌كانى هه‌واڵ ئاماژه‌ى بۆ كراوه، جێپه‌نجه و مۆركى به هونه‌رى سينه‌ما و دراماى سورياييه‌وه دياره و ناوبراو به يه‌كێك له پايه‌كانى هونه‌رى دراما و سينه‌ماى سوريا و وڵاتانى عه‌ره‌بى ناوده‌برێت.
له ماوه‌ى ژيانييدا، زياتر له 200 كارى هونه‌رى و دراماى به‌رهه‌مهێناوه و به‌شدار بووه له به‌رهه‌مهێنانياندا.
ناودارترين كاره‌كانى بريتين له: سارى عه‌بدوڵڵا، الاتجاه المعاكس، كفر قاسم، البركان، العار، نهاية رجل شجاع، العبابيد، الظاهر بيبرس، الخوالي، أهل الراية، جريمة بلا نهاية، غضب الصحراء، خالد بن الوليد، و چه‌ندانى ديكه.
ئه‌و هونه‌رمه‌نده گۆرانيشى وتووه و له ئۆپێراى نيشتمانى سورياشدا به‌شداريكردووه.
دوا كارى هونه‌رى به‌شداريكردنى بوو، له زنجيره دراماى ژينگه‌ى شاميى "الغربال" و "قمر شام".
|