بەبێ یەك مسقاڵ زێڕ هاوسەرگیری لەگەڵ كچان بكە
10/08/2016
لە تۆڕەكانی كۆمەڵایەتی، گەنجانی میسر هەڵمەتێكیان بەناوی "هاوسەرگیری بەبێ زێڕ" راگەیاندووە، بۆ ئەوەی تێچوونی هاوسەرگیری كەم بكەنەوە و ئەو داوا قورسەی كچ كە بریتییە لە زێڕ نەهێڵن تا بتوانن گەنجانی هەژاریش هاوسەرگیری بكەن.

دوای بەرزبوونەوەی نرخی زێڕ بە رێژەیەكی بەرچاو لە میسر، گەنجانی ئەو وڵاتە لە تۆڕەكانی كۆمەڵایەتی ئەو هەڵمەتەیان راگەیاند و هەر زوو لای هەمووانەوە بە تەواوی تەشەنەی سەند، دواتر لە نێو شەقامی ئەو وڵاتەش باس و خواسی ئەو هەڵمەتە، بوو بە بابەتێكی گەرمی شوێنە گشتییەكان.

بەگوێرەی ئامارەكانی ئەو هەڵمەتە، ئەگەر تێچووی مادیی پرۆسەی هاوسەرگیری كەم ببێتەوە، ئەوا 13 ملیۆن و 500 هەزار كچ و كوڕی میسری دەتوانن هاوسەرگیری بكەن و بەمەش نەوەی نوێ بۆ كۆمەڵگەكەیان دەهێننە ئاراوە و لە تەمەنی درەنگدا هاوسەرگیری ناكەن.

ئەوان دەڵێن بەهۆی نەتوانینی هاوسەرگیریكردن لەلایەن گەنجانەوە، تاوانەكانی دەستدرێژی رۆژ دوای رۆژ لە وڵاتەكە زیاتر دەبێت، چونكە بە گوێرەی ئامارەكانی رێكخراوە كۆمەڵایەتییەكان، گەنجانی میسر بە رێژەی زۆرینە، لە تەمەنی 35 ساڵی و سەرووی ئەو تەمەنەوە هاوسەرگیری دەكەن.

وەزارەتی ئەوقافی میسر دوای ئەو هەڵمەتە هاتە دەنگ و لە مزگەوتەكانیش باس لەو پرسە كرا. هەمووان هێمایان بۆ ئەوە كرد، قورسكردنی تێچووی هاوسەرگیری لەسەر گەنجان، كارێكی حەرامە لە ئیسلامدا و زێدەڕۆیییە.





ژماره‌ی بینین‌ : 273
کۆمێنت
هێچ کۆمێنتێک بەردەست نیە
کۆمێنتی خۆت بنێرە
ناو :  
ئیمێڵ :   
کۆمێنت :
 
زیاتر ...
  زاهید هه‌ورامی - Zahid Hawrami
Scroll