‌ئەم هەڵانە بەرامبەر منداڵەكەت ئەنجام مەدە
12/08/2016

ئەنجامدانی چەند هەڵەیەك لەلایەن دایك و باوكەوە كاریگەری خراپی دەبێت لەسەر منداڵەكان ، ئەگەر منداڵت هەیە یان بەخێوكەری منداڵیت ئەوە هەوڵبدە ئەم هەڵانە دوبارە نەكەیتەوە .

- لێدان : دوور بكەوەرەوە لەوەی لە منداڵەكەت بدەیت چونكە لێدانی منداڵ كاریگەری دەبێت لەسەر باری دەرونی منداڵەكە و متمانە بەخۆبوونی كەمدەبێتەوە و توانای وەرگرتنی مێشكی بۆ بابەتەكان كەمدەبێتەوە .

-هیچكات منداڵەكەت لەناو منداڵانی دیكەدا تەریق مەكەرەوە ، ئەوكاتەی بەم شێوەیە ڕەفتار لەگەڵ منداڵەكەت دەكەیت ئەوە دڵنیابە لەوەی ئەو هەست بەكەمی دەكات لەناو هاوڕێكانی .

-ئەوەندەی دەتوانیت پشتیوانی لەمنداڵەكەت بكە بۆ ئەو خەون و هیوایانەی هەیەتی لێرەوە دەتوانیت ئەو بوارە بدۆزیتەوە كە منداڵەكەت دەتوانێت تیایدا سەركەوتوو بێت .

- یەكێكی دیكە لەو هەڵانەی دایكان و باوكان بەرامبەر منداڵەكانیان ئەنجامی دەدەن ئەوەیە بەراورد كردنی یەكێك لە منداڵەكانیانە بەوانی دیكە ، لێرەوە منداڵ هەست بەلاوازی خۆی دەكات و جگە لەوەش ئیرەی لەنێوان منداڵەكانتدا دروست دەكات .

- ڕێگە نەدان بەوەی منداڵ چەند شتێك تاقی بكاتەوە ، ئەمە هەڵەیەكی دیكەی دایكان و باوكانە ، ئەوەندەی دەكرێت ڕێگە بدە منداڵەكەت چەند شتێك تاقی بكاتەوە بەڵام لەژێر چاودێری خۆتدا .




ژماره‌ی بینین‌ : 1175
کۆمێنت
هێچ کۆمێنتێک بەردەست نیە
کۆمێنتی خۆت بنێرە
ناو :  
ئیمێڵ :   
کۆمێنت :
 
زیاتر ...
  زاهید هه‌ورامی - Zahid Hawrami
Scroll