کۆمه‌ڵه‌ی لاوان بۆ پشتیوانی لیستی گۆڕان/ سوید

 

 

 

پاش ئه‌وه‌ی وه‌ک هه‌ست کردنمان به‌ به‌رپرسیارێتی ئه‌و دۆخه‌ چه‌ق به‌ستوه‌ی خه‌ڵکی کوردستانی تێکه‌وتوه‌ له‌ لایه‌ن ده‌سه‌ڵاتدارانی ناو په‌رله‌مان و حکومه‌تی هه‌رێمی کوردستان،به‌تایبه‌ت هه‌ردوو پارته‌ ده‌سه‌ڵاتداره‌که،ئیمه‌ی نه‌وه‌ی نوێ له‌ وڵاتی سوید  دوای چه‌ندین کۆبونه‌وه‌، له به‌روارت 14/6/2009 بڕیاری دامه‌زراندنی کۆمه‌ڵه‌یه‌کماندا بۆ پشتیوانی لیستی گۆڕان،ئه‌وه‌ بوو له‌ به‌رواری 16/6/2009 دا به‌ناوی (کۆمه‌ڵه‌ی لاوان )یه‌که‌م به‌یانامه‌ی خۆمان بۆ پشتیوانی لیستی گۆڕان به‌یان کرد له‌ سایت و مێدیاکاندا،

له‌به‌رواری 28/6/2009 دا هه‌مان کۆمه‌ڵه‌ کۆبووه‌وه‌ بۆ.

1- هه‌ڵبژاردنی  ده‌سته‌یه‌کی کارگێری پێنج که‌سی بۆ ڕاپه‌ڕاندنی کاره‌کانی خۆی،

2-نوسینه‌وه‌ی په‌یڕه‌وی ناوخۆی کۆمه‌ڵه‌،

3-پێشکه‌ش کردنی مۆڵه‌تی  یاسای کۆمه‌ڵه‌  له‌ لایه‌ن حکومه‌تی سوید،

پاش سه‌رکه‌وتنی کۆبونه‌وه‌ی کۆمه‌ڵه‌که‌مان هه‌مان ڕۆژ به‌هه‌ماهه‌نگی له‌گه‌ڵ کۆمیته‌ی پشتیوانی لیستی گۆڕان کۆبونه‌وه‌یه‌کی تیکه‌ڵ ئه‌نجامدرا،له‌و کۆبونه‌وه‌دا چه‌ندین بابه‌ت و پێشنیاری گرنگ وروژێندران له‌وانه‌ بڕیاردانی،

*کۆکردنه‌وه‌ی هاوکاری دارای بۆ لیستی گۆڕان،

*هاندانی خه‌ڵکی بۆ به‌شداری کردنی پرۆسه‌ی هه‌ڵبژاردن و ده‌نگدانیان به‌ لیستی گۆڕان،

*وشیار کردنه‌وه‌ی خه‌ڵکی له‌ به‌رانبه‌ر ئه‌و ده‌ستوره‌ دواکه‌وت و کۆنه‌په‌ره‌ستانه‌یه‌ی که‌ له‌لایه‌ن په‌رله‌مانی ماوه‌ به‌سه‌رچوو ده‌نگی بۆدراوه‌ تا له‌ ڕۆژی هه‌ڵبژاردن تێپه‌ڕینن،

*په‌یوه‌ندی کردن به‌ پارت و ڕێکخراوه‌ حکومی و مه‌ده‌نیه‌کانی سوید بۆ گوشار خستنه‌ سه‌ر لایه‌نی ده‌سه‌ڵاتدار تا پاکترین هه‌ڵبژاردن دوور له‌ توندو تیژی و ته‌زویر به‌ڕێوه‌ بچێت،

*له‌به‌رانبه‌ر هه‌ر کاریکی نایاسای و خروقاتی ده‌سه‌ڵاتدا ئه‌گه‌ر پێویستی کرد هه‌نگاو هه‌ڵبهێنرێت بۆ خۆپیشاندان و مانگرتن له‌ ده‌ره‌وه‌ی وڵات،

دوابه‌شی کۆبونه‌وه‌ی  کۆمه‌ڵه‌ی لاوان و کۆمیته‌ی پشتیوانی لیستی گۆڕان ته‌رخان کرا بۆ قسه‌کردن له‌سه‌ر هه‌نگاوی دوای 25/7/2009 ، ، بڕیاردرا هه‌ردوو کۆمه‌ڵه ‌به‌رده‌وامبن له‌ کاره‌کانیان له‌دوای هه‌لبژاردنه‌کانی په‌رله‌مه‌نی کوردستان،

به‌هۆی ئه‌وه‌ی چه‌ندین پرۆسه‌ی هه‌ڵبژاردن له‌ ڕێگای خه‌ڵکی عێراق و کوردستانه‌ وه‌ک،

 له‌ سه‌ره‌تای ساڵی 2010 دا هه‌ڵبژاردنی ئه‌نجومه‌نی نوێنه‌رانی عێراق،

هه‌ڵبژاردنی ئه‌نجومه‌نی پارێزگاکانی هه‌رێمی کوردستان، دهۆک، هه‌ولێر ،سلێمانی، هه‌لبژاردنی ئه‌نجومه‌نی  پارێزگای که‌رکوک،

هه‌ڵبژاردنی ڕێکخراوه‌کانی کۆمه‌ڵگای شارستانی له‌وانه‌،خویندکاران،مامۆستایان،پزیشکان،ئه‌ندازیاران،سه‌ندیکای تر...

 

کۆمه‌ڵه‌ی لاوان بۆ پشتیوانی لیستی گۆڕان،

 

lawangorran@gmail.com

28/6/2009

 

 

  

گه‌ڕانه‌وه‌ بۆ سه‌ره‌تای ماڵپه‌ڕ