کارلۆ ئەنچيلۆتی ڕاهێنەری يانەی ڕياڵ مەدريدی ئيسپانی لە لێدوانێکيدا ڕايگەياند کرستيانۆ ڕۆناڵدۆ بەشداری يارييەکەی چامپيۆنس ليگ به‌رامبه‌ر یانه‌ی گه‌ڵه‌ته‌سه‌رایی تورکی ناکات.

 

لە کۆنگرەيەکی ڕۆژنامەوانيدا ئەنچيلۆتی ڕاهێنەری يانە مەدريدييەکە وتی " سبەی ڕۆناڵدۆ ياریی ناکات ، چەند کێشەيەکی بچوکی هەيە بەڵام لەتوانايدا هەيە لە ڕۆژی شەممە ياریی بکات ".

 

سەبارەت بە شوێنی ڕۆناڵدۆ وتی " خيسی يان دی ماريا يەکێکيان ياریی دەکات لە جێگای ڕۆناڵدۆ ".

 

هەروەها دەربارەی پێکانەکەی ڤاران وتی " ڤاران پێکانی ئەژنۆی هەيە ، پێويستی بە پشوو هەيە بۆ ماوەی ١٠ بۆ ١٢ ڕۆژ بەڵام پێويستی بە ئەنجامدانی نەشتەرگەری نييە ".

 

سەبارەت بە ئيشکۆش وتی " ياريزانێکی ئاست بەرز و بەتوانايە ، لەوانەيە سبەی بەشداری يارييەکە بکات ".

 

لە کۆتايدا وتی " ڕەنگە سبەی ئەلۆنسۆ پشوو بدات ، مارسيلۆش بەشێوەيەکی باش دەگەڕێتەوە بەڵام مۆدريچ ڕاگيراوە بەهۆی کارتی ڕەنگاو ڕەنگەوە ".

 

وابڕيارە چوارشممە هەردوو يانەی ڕياڵ مەدريد و گەڵەتەسەرای ڕووبەڕووی يەکتر ببنەوە لەميانەی يارييەکانی چامپيۆنس ليگ.