|
30 هاوڵاتی كورد له به‌ندیخانه‌یه‌كی داعش هه‌ڵاتن
ئه‌مڕۆ 100 كه‌س له به‌ندیخانه‌یه‌كی داعش له باكوری سوریا هه‌ڵاتون و 30 كه‌س له به‌ندیه‌كانیش كوردن.
به‌پێی ئه‌و زانیاریانه‌ی چالاكوانه سورییه‌كان بڵاویان كردوه‌ته‌وه، هه‌ڵاتنه‌كه له شاری باب بوه كه 30 كلم له باشوری سنوری توركیاوه دوره.
جگه له‌و ژماره كورده، كه له‌ناو هه‌ڵاتوه‌كاندان، ژماره‌یه‌ك مه‌ده‌نی و نه‌یاری داعش-یش هه‌بوه.
دوای هه‌ڵاتنی به‌ندییه‌كان، چه‌كدارانی داعش داوایان له دانیشتوانی شاره‌كه كردوه بیانگرنه‌وه.
هه‌ر له‌سه‌ره‌تای ئه‌م هه‌فته‌یه‌دا دوای هه‌ڵاتنی ژماره‌یه‌ك ئه‌ندامی گروپی داعش به‌ره‌و سنوری توركیا كه زۆربه‌یان ئه‌وروپی بون له شاری باب، شه‌ڕ له‌ناو چه‌كدارانی داعشدا رویداوه‌و به‌لای كه‌مه‌وه نۆ چه‌كداریان لێ كوژراوه.
|