ئەو كاتەی مرۆڤ دەچێتە تەمەنی 30 ساڵیەوە ئەوە جوانی و شێوەی ڕوخساری زۆركات هاوشێوەی ئەو كاتە نیە كە لەتەمەنی هەرزەكاریدا بوە ، پێویستە خانمان لە دوای تەمەنی 30 ساڵی ڕەچاوی ئەم خاڵانە بكەن بۆ ئەوەی بە گەنجی و جوانی بمێننەوە .

 

1-هەوڵبدە گرنگی بدەیت بە ژەمە خۆراكەكانت و بزانیت چی دەخۆیت ، دەتوانیت بۆ ئەم مەبەستە سوود لە زانیاریەكانی پزیشكی شارەزای بواری خۆراك وەربگریت .

 

2-بەردەوام ئاو بخۆرەوە و ڕۆژانە باشتر وایە لە 2 لیتر ئاو كەمتر نەخۆیتەوە بۆ ئەوەی پێستت جوان و گەشاوە بێت .

 

3-گرنگی بە پێستت بدە و كرێمی سروشتی و بێ زیان بۆ شێداركردنەوەی پێستت بەكاربهێنە .

 

4-بیرت نەچێت لەم تەمەندا دەتوانیت سوود وەربگریت لە كرێمی دژە چرچ بوونی پێستی ڕوخسار بۆ ئەوەی پێستت بە گەشاوەی بمێنێتەوە.

 

5-دوای تەمەنی 30 ساڵی پێویستە پشكنینی ساڵانە بكەیت بۆ ئەوەی ئاگاداری تەندروستیت بیت .

 

6-بگەڕێ و شوێنی نوێ ببینە ، و چێژ لە تەمەنی خۆت وەربگرە .

 

7- بزانە چەند كاتژمێر دەخەویت ، پێویستە ڕۆژانە هەشت كاتژمێر بخەویت بۆ ئەوەی خاوەنی تەندروستی و پێستێكی جوان بیت .